Saturday, 14 February 2015

ဒန့်သလွန်မှုန့်

ဒန်သလွန်အရွက်ခြောက်မှုန့်ပြုလုပ်နည်းစနစ်များ

၁။ ဒန့်သလွန်အရွက်ကို အရိုးသင်ပြီး အရွက်သီးသန့်ယူပါ။ ရေစင်အောင်ဆေးပါ။

၂။ ရေခြောက်အောင်စစ်ပြီး နေလုံးဝမထိအောင် အေး၍ ခြောက်သွေ့သော အခန်းထဲ( ဖုန်မတက် သန့်ရှင်းသော အခန်း)တွင် သဘာဝအတိုင်း အခြောက်ခံပါ။

၃။ ခန့်မှန် ၃၊ ၄ ရက်အကြာ အရွက်ခြောက်များ ကြွပ်ရွကာ သဘာဝအတိုင်းခြောက်သွေ့လာပါမယ်။

၎။ အရွက်ခြောက်ကို အမှုန့်ပြုလုပ်ရန် သစ်သီးဖျော်စက်ရှိက သုံးနိုင်သည်။ မရှိက ဆုံတွင်ညက်ညက်ကြေအောင် ထောင်းပါ။

၅။ အစိမ်းရောင်စိုစို အမှုန့်ရရှိပါမည်။ မြန်မာပြည်ကဲ့သို့ ရာသီဥတုတွင် အလွယ်တကူရရှိနိုင်သော ဒန့်သလွန်ကို မြန်မာပြည်သားများ တန်ဖိုးမထားကြ အလွယ်တကူ ပေါများစွာ ရရှိခြင်းကြောင့် ဖြစ်မည်။

*** အအေးပိုင်းဒေသ နိုင်ငံများအဖို့ ဒန့်သလွန် စိုက်ပျိုး၍ မဖြစ်ထွန်းသဖြင့် အရွက်ခြောက်မှုန့်၊ လက်ဖက်ခြောက်ကဲ့သို့ သောက်သုံးနိုင်သော moringa tea အစရှိသဖြင့် တန်ဖိုးမြင့် ထုတ်ကုန်များကို ၁ ပေါင် သာသာ အလေးချိန်ကို
( မြန်မာငွေ ခန့်မှန်း ၃၀၀၀၀ ကျော် ) ပေးဝယ်ကာ နှစ်ချိုက်စွာ စားသုံးကြပါသည်။

၅။ အမှုန့် လက်ဖက်စားဇွန်း ၁ ဇွန်း ကျော်ကျော်ကို ဖန်ခွက်တွင်ထည့်ကာ ရေနွေး အလောတော်ထည့်ကာ ခဏတာမျှ အနည်ထိုင်ပါစေ။ အပေါ်ယံ အရည်ကြည်ကို သောက်သုံးနိုင်ပါသည်။ ဆီးချို မရှိပါက အရသာအနေဖြင့် ပျားရည်ထည့်သောက်နိုင်ပါသည်။ သီးသန့်သောက်ပါက အဝင်ဆိုးသော ညှိစို့စို့ အနံ့ရှိပါသည်။ 

***** internet မှ ရှာဖွေတွေ့ရှိသော စကားရယ်ပါ။ ရယ်စရာအနေဖြင့်ပြောရရင် ဒန့်သလွန် အရွက်ခြောက်မှုန့်သောက်ရတာက မိန်းမရွှင် အနံ့ရပါသည်တဲ့။ 

***** ထိုမျှ အဝင်ဆိုးပါသော်လည်း သောက်သုံး၍ ကြာလာသော် ထိုထို မိန်းမရွှင်အနံ့ကိုမှ နှစ်ချိုက်စွာပင် အရသာတွေ့ပါလိမ့်မည် ဟု ရယ်စရာအနေဖြင့် ရေးထားတာ တွေ့ရသောအခါ၊ အဝင်ဆိုးပေမယ့် မှန်မှန်သောက်သုံးပါ ကောင်းကျိုးများပါသည်။

၆။ အခြားအသုံးအနေဖြင့် ဟင်းချိုချက်ရာ၌ အရွက်စိုအစားသုံးနိုင်သည်။ တခြား ဟင်းများချက်တိုင်း ထည့်သုံးနိုင်သည်။ 

၇။ အရွက်ခြောက်မှုန့်သည် အရွက်စိမ်းအစို ( ၇ ဆ ) နှင့်ညီမျှသည်။ အရွက်စို ( ၇ ကျပ်သား ) အခြောက်ခံပါမှ အရွက်ခြောက်မှုန့် ( ၁ ကျပ်သား ) ရရှိမည့်သဘောပါ။

Start to enjoy our nature moringa oleifera

No comments:

Post a Comment