စိုက်ပျိုးရေးတွင် ကျင့်သုံးသင့်သည့် အလေ့အထကောင်းများ
Interpretive Guide for ASEAN GAP - FOOD SAFETY MODULE ကို ဘာသာပြန်ုဆို ၍ တောင်သူပညာပေး သင်ခန်းစာ အဖြစ်အသုံးပြုရန် ရည် ရွယ်ပါသည်။
ယနေ့ စိုက်ပျိုးရေး လောက တွင် ဂျီအေ ပီ ဆိုတဲ့ စကားလုံး သည် မရှိမဖြစ် သုံးစွဲကြသလို စိုက်ပျိုးကြသူများ နားလည် ကြရန်လည်းလိုအပ်လာပါသည်။ဂျီအေပီ (Good Agriculture Practices) ကို စိုက်ပျိုးရေး အလေ့အထကောင်းများ ဟု အဓိပ္ပါယ် ရပါသည်။
ASEANဒေသတွင်းရောင်းဝယ်ဖေါက်ကားကြရာတွင် အရေးကြီး လှပါသဖြင့် အာဆီယံနိုင်ငံ မှ ကိုယ်စားလှယ်များ၊ပညာရှင်များ စုပေါင်း ပါဝင်ရေးသားထားကြခြင်း ဖြစ်ပါသည်။ အထူးသဖြင့် ခူးဆွတ်ပြီး လတ်လတ် ဆတ်ဆတ် စားသုံးကြသော သစ်သီးဝလံနှင့်ဟင်းသီးဟင်းရွက် စိုက်ပျိုးထုတ်လုပ်သူများ၊ ရောင်းဝယ် ဖောက်ကားသူများ၊ သယ်ပို့ ထုပ်ပိုးသူများ၊ သင်တန်းနည်းပြများ ၊အစိုးရ တာဝန်ရှိသူများ ၊ အာလုံး နားလည် သဘောပေါက် ရန်ရည် ရွယ် ၍ ရေးသားထားခြင်း ဖြစ်ပါသည်။
စိုက်ပျိုးရေး လုပ်ငန်းတွင် ဓာတု ပစ္စည်းများ အလွန်အကျွံ သုံးစွဲ ကြ သော ကာလ တွင် သုံးစွဲကြသော ဓာတုပစ္စည်းတို့၏ အဆိပ်သင့်မှု ကို ကာကွယ်ရန်၊ အန္တရာယ် မဖြစ်အောင် ထိန်းသိမ်း ကြရန် အရေးကြီးလှပါသည်။ ထိုသို့ထိန်းသိမ်းမှုသည် စိုက်ပျိုးထုတ်လုပ်စဉ်ကာလ၊ ရိတ်သိမ်းစဉ် ကာလ၊ ရိတ်သ်ိမ်းချိန်လွန် ကိုင်တွယ် ထုပ်ပိုးတင်ပို့ ကြစဉ် ကာလများတွင် ဆောင်ရွက် ကြရမည် ဖြစ်ပါသည်။
ASEAN _GAP စိုက်ပျိုးရေးအလော့အထကောင်း စံချိန်စံညွှန်းများ ကို လိုက်နာ ရန်အတွက် Standard Module ၄ ခုရှိပါသည်။
1. Food safety,
2. Environmental management,
3. Worker health, safety and welfare and
4. Produce quality.
*အညှောင့်ဖောက်သော ထုတ်ကုန်များ နှင့် ထပ်မံ၍ ပြုပြင် ထုတ်လုပ်သော အစားအသောက်များအတွက် ညွှန်ကြားချက်များ မပါဝင်ပါ။ အော်ဂဲနစ် ထုတ်ကုန်များ၊ ဂျီအမ်အို မပါသောအစားအသောက်များ ထုတ်လုပ်ရေး လမ်းညွှန်ချက် များ အတွက်လည်းမရည် ရွယ် ပါ။*
ဘေးအန္တရာယ် လုံခြုံစိတ်ချရသော အစားအသောက် ဖြစ်ရေး Food Safety Module ကို ဤ ဆောင်းပါးတွင် ပထမဆုံး ရေးသားဖေါ်ပြပါမည်။ ဘေးအန္တရာယ် လုံခြုံစိတ်ချရသော အစားအသောက် ဖြစ်ရေး အတွက် စားသုံးသူကို အန္တရာယ် ဖြစ်စမည့်အဆိပ်အတောက်အမျိုးအစားများကို နားလည် ရန်လိုအပ်ပါသည်။
အစားအစာကို ဘေးအန္တရယ် ဖြစ်စေသောအဆိပ်အတောက်များ (Hazards and sources of contamination)
အစားအစာကို ဘေးအန္တရယ် ဖြစ်စေသောအဆိပ်အတောက်များ ကို သုံးမျိုးသုံးစား ခွဲခြား ထားပါသည်။ ဂျီအေပီ စံချိန်စံညွှန်း ကို ပြည့်မှီစေရန် ထို အဆိပ်အတောက် သုံးမျိုး မပါဝင်စေရပါ။
၁။ ဓာတု အဆိပ်အတောက်များပါဝင်နေခြင်း။ (Chemical Hazar)
၂။ ရောဂါဖြစ်စေသော အဏုဇီဝပိုး များပါဝင်နေခြင်း (Biological Harzard)
၃။ အစားအစာကို အန္တရာယ် ရှိစေသော မလို အပ်သည့် ရုပ်ဝတ္ထုပစ္စည်းများပါဝင်နေခြင်း။ (Physical Hazard)
၁။ ဓာတု အဆိပ်အတောက်များပါဝင်နေခြင်း။ (Chemical Harzard)
ဓာတု အဆိပ်အတောက်ဟုဆိုလျင် သစ်သီးဝလံ ဟင်းသီးဟင်းရွက်များ တွင် ပါဝင်နေတတ်သော ပိုးသတ်ဆေးဓာတ်ကြွင်းကို များသောအားဖြင့်နားလည် ကြပါသည်။ ကော်ဖီထုပ် စား၍ ဆေးရုံတင်လိုက်ရသော ၊ စိုက်ခင်းထဲတွင်မူးအံသေဆုံးကြသော အဖြစ်အပျက်များ မကြာခဏကြားနေရသောကြောင့် စားသုံးသူများ သတိထားနေကြပြီ ဖြစ်ပါသည်။
ပိုးသတ်ဆေးဓာတ်ကြွင်းအာနိသင် ====>
ဂျီအေပီ စနစ် မှာတော့ လက်သင့်ခံနိုင်သည့် ပိုးသတ်ဆေးဓာတ်ကြွင်းအာနိသင် အမြင့်ဆုံး အတိုင်းအတာကို အင်္ဂလိပ်လို maximum residue limits (MRL) ဟုခေါ်ပါသည်။ စိုက်ပျိုးစားသုံးမည့် သီးနှံတွင် မစားခင်၊ မရောင်းချခင် ၊ ကြွင်းကျန်နေသည့် အမြင့်ဆုံး ဓာတ်ကြွင်းပမာဏ(တနည်းအားဖြင့်) လက်သင့်ခံနိုင်သည့်အတိုင်းအတာ အမြင့်ဆုံး ကိန်းဂဏန်း ကို ဆိုလိုပါသည်။ ထို့ထက် များလျှင် စားသုံးရန်မသင့်၊ တင်ပို့ရောင်းချရန် မသင့်ပါ။ ထို ကိန်းဂဏန်း ထက် ပိုနေသောကြောင့် ဆိပ်ကမ်းမှ ပြန်ယူလာရသော သီးနှံများအကြောင်း ကြားဖူးကြပါလိမည်။ ထို ပိုးသတ်ဆေးဓာတ်ကြွင်းအာနိသင်ကို အင်္ဂလိပ်လို maximum residue limits (MRL) ဟု ခေါ်ပါသည်။
ပိုးသတ်ဆေးအမျိုးအစားကို လိုက်ပြီး တစ်မျိုး နှင့်တစ်မျိုးကွာခြားပါသည်။ မြန်မာနိုင်ငံ မှတဆင့် တခြားသောနိုင်ငံကို တင်ပို့ ပါက ထိုနိုင်ငံသည် သီးနှံကို သူ၏ နိုင်ငံ အတွင်းမသွင်းမီ မြန်မာ နိုင်ငံ တွင်းသုံးစွဲ တတ်သော ပိုးသတ်ဆေး အမျိုးအစားများကို ကြိုတင်စာရင်းပြုစု၍ အတိအကျ တိုင်းတာ သည့်အခါ maximum residue limits (MRL) အဖြေ အတိအကျ ကို ရရှိပါသည်။ ယေဘူယျအားဖြင့် တိုင်းတာပုံကတော့ သီးနှံကို နမူနာ ယူပြီး ဓာတုဆေးရည် ဖြင့်ဓာတ်ပြုကြည့်သည့်အခါ ပြောင်းလဲ သွားသည့်အရောင် ဖြင့် ဆုံးဖြတ်ခြင်း ဖြစ်ပါသည်။ ရှိခြင်းမရှိခြင်း ကို ဆုံးဖြတ်နိုင်သော်လည်း (MRL) အဖြေ အတိအကျ ကို မရနိုင်ပါ။
ပိုးသတ်ဆေး မဟုတ်သော အခြား ဓာတုပစ္စည်းများ ====>
သစ်သီးဝလံနှင့်ဟင်းသီးဟင်းရွက်များထုတ်လုပ်ရာတွင် ရေစုတ်စက်၊ မီးစက်စသည် တို့နှင့်ရောနှော နေတတ်သဖြင့် ဓာတ်ဆီ၊ ဒီဇယ် ဆီ၊ ချောဆီ၊ များ ပါဝင်လာတတ်ပါသည်။ ထို့အပြင် သန့်ှရှင်းရေးတွင် အသုံးပြုသည့် ဓာတုပစ္စည်းများ ရောနှောပါဝင်နေခြင်းကို သတိပြုရပါမည်။ ထိုသို့ ဓာတုပစ္စည်းများ ဂျီအေပီစနစ်တွင် ကင်းစင်ရပါမည်။
Heavy metalsခေါ်လေးလံသည့်သတ္တုဓာတ်များ ပါဝင်နေခြင်း ====>
စိုက်ပျိုးသည့်မြေယာ သမိုင်းစီမံခန့်ခွဲမှု တွင် သတိထားရမည့်အချက်ဖြစ်ပါသည်။ heavy metals ဆိုသည်မှာ သိပ်သည်းဆ ၃.၅ မှ ၇ ဂရမ် / စီစီ အတွင်းရှိသော လေးသော ၊ အဆိပ်ဖြစ်စေသော သတ္တုဓာတ် များ ကို ဆိုလိုပါသည်။heavy metalsကို အပင်က စုတ်ယူနိုင်ပြီး သီးနှံများ အတွင်း ပါဝင်ခြင်းအားဖြင့် စားသုံးသူကို အဆိပ်အတောက် ဖြစ်စေပါသည်။ Heavy metalsများ မှာ ၊ အာဆင်းနစ်၊ ပြဒါး၊ ကက်ဒမီယမ်၊ ခရိုမီယမ်၊ ခဲ၊ကော့ပါး၊.. စသည်တို့ပါဝင်ကြပါသည်။ အချို့သော heavy metals များမှာ အပင် ကကြိုက် နှစ်သက် သည့် အနည်းလို အဟာရဒြပ်စင်များဖြစ်သဖြင့်အပင်က စုတ်ယူတတ်ပါသည်။ ပါဝင်သင့် သည့်ပမာဏ ထက် ပိုပါက အဆိပ်သင့်မှုဖြစ် စေပါ သည်။
ဂျပန်နိုင်ငံတွင် အာစင်းနစ် သတ္တုကြောကို ဖြတ်သန်းစီးဆင်းသည့် ရေကို စပါးခင်းကို သွင်းမိရာမှ စပါးတွင် အာစင်းနစ်ပါဝင်ပြီး စားသုံးသူများ အဆိပ်သင့် သေဆုံးသော သတင်းဖတ်ဖူးခဲ့ ပါသည်။ မစိုက်ပျိုးခင် ကတည်းက မြေတွင် ပါဝင်ခြင်းရှိမရှိ၊အသုံးပြုမည့် ရေတွင် ပါဝင်ခြင်းရှိမရှိ၊ ဓာတ်ခွဲစစ် ဆေးထား ရန်လိုအပ်ပါသည်။ ထို heavy metals တို့၏ လက်သင့်ခံနိုင်သော အမြင့်ဆုံး ပါဝင်မှု ကန်းဂဏန်း maximum levels (ML), ကို လေ့လာထားရန်လိုအပ်ပါသည်။ မြေကို စစ်ဆေးထားသလို ထွက်ရှိသော သီးနှံတွင်ပါဝင်သော ပမာဏ မှာ maximum levels (ML) ထက်မပိုမှသာ ဈေးကွက်ကို တင်ပို့ရောင်းချ စားသုံးစေ သင့်ပါသည်။
သဘာဝအတိုင်းတည်ရှိသော အပင် အဆိပ်အတောက်များ ====>
(ဥပမာ- ပီလောပီနံ၊ သရက်သီးအစေး ) နှင့် ယားယံစေသော အဆိပ်အတောက်များ တို့သည်လည်းဓာတု အဆိပ်အတောက်များတွင်ပါဝင်ပါသည်။
ပိုးသတ်ဆေးဓာတ်ကြွင်းအာနိသင် လက်ခံနိုင်သည့် အမြင့်ဆုံး ပမာဏ(maximum residue limits (MRL) ထက်ပိုပြီးပါဝင်ရသည့်အကြောင်းရင်းများ)
၁။ သတ်မှတ်ထားသည့်သီးနှံအတွက် မဟုတ်သော ပိုးသတ်ဆေးကို အသုံးပြုခြင်း။ မှတ်ပုံတင်ထားခြင်း မရှိသော ပိုးသတ်ဆေးကို အသုံးပြုခြင်း။
၂။ ပိုးသတ်ဆေးဘူး ပေါ်တွင်ဖေါ်ပြထားသော အညွှန်းအတိုင်းမလိုက်နာခြင်း၊ ရောစပ်သည့် နှုန်းထားမမှန်ကန်ခြင်း။
၃။ ထောက်ခံလမ်းညွှန် ထားသည့်နှုန်းထားထက် ဆေးနှုန်းကို ပိုမိုသုံးစွဲခြင်း။
၎။ ဆေးဖြန်းပြီး အပင်တွင် ကျန်ရှိနေနိုင်မည့် အချိန် အတိုင်းအတာ... ဆေးဖြန်းထားလျှင် ဘယ်နှစ်ရက် ကြာ မှ နောက်တစ်ကြိမ်ဖြန်းရန်လိုသည်၊ ခူးဆွတ်သင့်သည် ဟူသော ညွှန်ကြားချက်ကို အတိအကျ မလိုက်နာခြင်း။
၅။ ဆေးဖြန်းပုံးနှင့် ဆေးဖြန်းသည့်ကိရိယာ ပျက်စီးနေခြင်း၊ ဆေးစက်အရွယ် အစားကို သေချာ တွက်ချက်ထားမှုမရှိခြင်း။ နောက်ဆုံးသုံးစွဲပြီးချိန်တွင် သန့်စင်စွာဆေးကြော မထားခြင်း။ ပိုးသတ်ဆေးအပြင် တခြားသော အရည်များကိုပါ ထည့်သွင်းသုံးစွဲခြင်း။
၆။ မိမိက ပိုးသတ်ဆေးကို စနစ်တကျသုံးစွဲသော်လည်း ကပ်လျက် စိုက်ခင်း အကွက် မှ တခြားသူသုံးစွဲသော ပိုးသတ်ဆေးများ စီးဆင်းဝင်ရောက်ခြင်း။
၇။ ယခင်နှစ် မှ အကြွင်းအကျန်များ မြေ တွင် ခိုကပ်ကျန်ရှိနေခြင်း။
၈။ ခူးဆွတ်ရိတ်သိမ်းရာတွင် ထည့်သည့်ခြင်း၊ ပုံး၊ထည့်စရာ စသည်တို့တွင် ပိုးသတ်ဆေးဓာတ်ကြွင်းကျန်ရှိနေခြင်း။
၉။ မြေ နှင့် ရေ စီးကြောင်း အတွင်းသို့ ပိုးသတ်ဆေးကုိ မဆင်မခြင် စွန့်ပစ်ခြင်း၊ ဖိတ်စဉ်ကျခြင်း ယိုစိမ့်ခြင်း။
၁၀။ ပိုးသတ်ဆေးကို သိုလှောင်မှုစနစ်ညံ့ဖျင်းခြင်း။ စနစ်မကျခြင်း တို့ကြောင့် ဓာတ်ကြွင်း များ ပါဝင်နိုင်ခြေ မြင့်တက်ရပါသည်။
စိုက်ပျိုးရေးတွင် တိုက်ရိုက် အသုံးပြုသည့် ပစ္စည်းများ မဟုတ်သော ဓာတုဓာတ်ကြွင်းများကျန်ရှိနေခြင်း
၁။ ဆေးကြာ ရာတွင် လည်းကောင်း၊ သန့်ရှင်းရာတွင် လည်းကောင်း အသုံးပြုသင့် ဓာတု ပစ္စည်း မှားယွင်းခြင်း မှန်သော်လည်းနှုန်းထားများနေခြင်း၊
၂။ ကြွက်သတ်ဆေးများကို စားသုံးသီးနှံထုပ်ပိုးသည့် နေရာအနီးအနားတွင် ဖြန်းခြင်း၊ ချခြင်း။
၃။ စားသုံးသီးနှံများ သိုလျှောင်သည့်နေရာ၊ သယ်ယူပို့ဆောင်သည့် နေရာအနီးအနားတွင် ဓာတ်ဆီ၊ ဒီဇယ်ဆီ၊ ချောဆီ၊ အိမ်သုတ်ဆေးများ ဖိတ်ကျခြင်း။
၎။ ခူးဆွတ် ရိတ်သိမ်းရာတွင်အသုံးပြုသည့်ခြင်းများ၊ ဇကာ၊ ထည့်စရာများကို ဖေါ်ပြပါဓာတုပစ္စည်းများထည့်သွင်းသိုလှောင်ခြင်း။
၅။ မြေတွင် ကြာရှည်စွာ စွဲမြဲနေသည့် ဓာတုပစ္စည်းများကျန်နေခြင်း၊ တစ်ချိန်က စစ်မြေပြင်၊ စစ်ဖြစ်ခဲ့သည့်နေရာ ဖြစ်နေခြင်း။
Heavy metals ဓာတ်ကြွင်းများ သီးနှံတွင် ပါဝင်ရခြင်းအကြောင်းရင်း
၁။heavy metals ဓာတ်ကြွင်းများ မြေ တွင် သဘာဝအ တိုင်းရှိနေခြင်း၊ ယခင်နှစ်များ မှကျန်ရှိနေခြင်း၊ စက်ရုံ အနီးအနားဒေသ များ မှ စီးဆင်းယိုစိမ့်လာခြင်း။
၂။ ဓာတ်မြေသြဇာများ စဉ်ဆက်မပြတ် သုံးစွဲခြင်း။
၃။ မြေချဉ်ခြင်း မြေငံခြင်းကို ပြုပြင်ရာတွင် သုံးစွဲသည့် ဓာတုပစ္စည်းများ ( ဥပမာ= ထုံးကျောက်၊ ဂျစ်ပဆန်၊ဇင့်) စသည်တို့ကို နှစ်ရှည် လများ သုံးစွဲ ခြင်းတို့ကြောင့် ဖြစ်ပါသည်။
အပင်မှ ဖြစ်သော အဆိပ်အတောက်များ ပါရှိနေရခြင်း
အပင်များသည်လည်းသဘာဝအလျောက် အဆိပ်အတောက်များ ထုတ်လေ့ရှိတတ်သဖြင့် ထိုသို့သော မျိုးစိတ်များကို သတိထားရပါမည်။ ဥပမာ- အာလူးကို အလင်းရောင် တွင် သိုလှောင်ထားရှိမိခြင်း၊ ဆိုက်ယာနိုက်အဆိပ် ပါရှိသော ပလောပီနံဥများ၊ လောင်တတ်သော အစေးများထွက်သည့် သစ်သီးမျာ( ဥပမာ- သရက်သီး၊ ပိန္နဲသီး) စသည်တို့ကို သတိထား၍ တိကျသောအညွှန်းများပေးရန်လိုအပ်ပါသည်။
ဓာတ်မတည့်မှု ဖြစ်ပေါ်တတ်သည့်ပစ္စည်းများ ပါဝင်နေတတ်ခြင်း
တချို့သောစားသုံးသူများသည် ကန့်နှင့်မတည့်ခြင်း ( ဆာလ်ဖာ အလားဂျစ် Sulphur Allergic) ရှိတတ်ပါသည်။ စပျစ်၊ လိုင်ချီး၊ လောက်ကန် သီးတို့ကို မှိုရောဂါ မှ ကာကွယ်ရန် ဆာလ်ဖာဒိုင်အောက်ဆိုဒ်ကို အသုံးပြုလေ့ရှိသဖြင့် ထိုသို့သော အဆိပ်သင့်သော ဆာလ်ဖာကဲ့သို့ ဓာတုပစ္စည်းများပါဝင်တတ် သည်ကို သတိထားရန်လို ပါသည်။
၂။ Biological Hazards ရောဂါဖြစ်စေသော အဏုဇီဝပိုး များပါဝင်နေခြင်း–
အဏုဇီဝပိုး များပါဝင်နေခြင်း ကို သာမန် မျက်စိဖြင့်မမြင်နိုင်၊ အဏုကြည့် မှန်ဘီလူးဖြင့်သာ မြင်နိုင်ပါသည်။ ပတ်ဝန်းကျင်တွင် အဏုဇီဝပိုး များပါဝင်နေခြင်သည် နေရာအနှံ့ အပြား ပင်ဖြစ်ပါသည်။ သစ်သီးဝလံနှင့် ဟင်းသီးဟင်းရွက် တို့တွင် အဏုဇီယပိုးများစွာ တွယ်ကပ် ပါဝင်နိုင်ပါသည်။တချို့က ပုပ်သိုးစေသလို အနံ့ အသက်ဆိုးများ ထွက်စေ တတ်ပါသည်။ တချို့ ကထိုသ်ုိ့ မဟုတ်ပဲ စားသုံးသူကို ရောဂါရ စေတတ်ပါသည်။
ရောဂါ ဖြစ်စေတတ်သော အဏုဇီဝပိုးအများစု ကို ဟင်းသီးဟင်းရွက် သစ်သီးဝလံ တို့၏ ပြင်ပ ဧရိယာ တွင်တွေ့ရတတ်သည်။ အနည်းစုကို အတွင်းသား တစ်သျှူး များတွင် တွေ့ ရတတ်ပါသည်။
ရောဂါဖြစ်စေသော အဏုဇီဝပိုးများ မှာ..
၁။ ဘက်တီးရိးယား။
၂။ ကပ်ပါးပိုးများ
၃။ ဗိုင်းရပ်များ တို့ဖြစ်ပါသည်။
ဘက်တီးရီးယား
အစာမှ တဆင့် ဖြစ်စေသော အစာအဆိပ်သင့်ရောဂါ ဖြစ်စေသက်ရှိများ စသည် ဘက်တီးရီးယား များဖြစ်ပါ သည်။ ဘက်တီးရီးယားများ ပါဝင်မှုသည် သစ်သီးဝလံ ဟင်းသီးဟင်းရွက် အမျိုး အစားနှင့်အဟာရ ဓာတ် ပါဝင်မှု အနည်းအများပေါ်တွင် မူတည်သည်။
အစိုဓာတ်မြင့်မား ပြီး အပူချိန် မြင့်မားလျှင် ပေါက်ပွား လွယ်သည်။ ၇ နာရီ အတွင်းဆဲလ် ပေါင်း တစ်သန်းကျော် ပေါက်ပွားနိုင်သည်။ဟင်းသီးဟင်းရွက် နှင့်သစ်သီးဝလံတို့တွင် အများဆုံးတွေ့ရတတ်သော ရောဂါဖြစ်သော ဘက်တီးရီးယား များမှာ…။
Salmonella species
Escherichia coli (E. coli)
Shigella species
Listeria monocytogenes
တို့ဖြစ်ကြသည်။
Listeria monocytogenes ကဲ့ သို့သော ဘက်တီးရီးယား တို့မှာ မြေတွင် အများဆုံးတွေ့ရတတ်သည်။ မြေဆီလွှာ ထဲတွင် ရက်ပေါင်း ၆၀ ထိ အသက်ရှင်နေထိုင်နိုင်သည်။ ထို့ကြောင့် ဟင်းသီးဟင်းရွက် နှင့်သစ်သီးဝလံ များခူးဆွတ်ပြီး မြေကြီး နှင့်ထိတွေ့ ခြင်း မသန့်ရှင်းသော ထည့်စရာ ပစ္စည်းများ ခူးဆွတ်ရိတ်သိမ်းကိရိယာများ မှ တဆင့် ကူးစက်စေတတ်ပါသည်။
Salmonella species, E. coli, and Shigella species စသော ဘက်တီးရီးယား များ မှာ တိရိစ္ဆာန် နှင့် လူ တို့၏ အူလမ်းကြောင်း တွင် တွေ့ရလေ့ရှိပါသည်။
ထို့ကြောင့် သေချာ မပြုပြင်ထားသော တိရိစ္ဆာန် အညစ်အကြေးများ ၊ မသန့်ရှင်းသော ရေ ၊ သစ်သီးဝလံ နှင့် ဟင်းသီး ဟင်းရွက် တို့ ထုပ်ပိုး ထုတ်လုပ်သည့်နေရာ တွင် အိမ်မွေးတိရိစ္ဆာန် များ၊ မွေးမြူရေး တိရိစ္ဆာန်များ ရှိနေတတ် ပါက ထိုသို့သော ဘက်တီးရီးယားများ ရောနှော ပါဝင် တတ်ပါသည်။
ကပ်ပါး ပိုးများ Parasites
ကပ်ပါးပိုးများ ဆိုသည်မှာ သက်ရှိ တစ်မျိုးမျိုး အပေဓတွင် နေစရာအတွက် သာမက ထို လက်ခံသက်ရှိ ထံ မှ အဟာရ ကို စုတ်ယူစားသုံးကာ နေထိုင်တတ်သော သက်ရှိ များကို ကပ်ပါးဟုခေါ်ပါသည်။ သက်ရှိ တစ်ခုခု အပေါ် မှီခို ရှင်သန်ရသောကြောင့် ပြင်ပတွင် မရှင်သန်နိုင်ပါ..။ လူ (သို့) တိရိစ္ဆာန် တို့ ၏ ခန္ဒ္စာ အတွင် ဝင်ရောက်ပါက လက်ခံ သက်ရှိဖြစ်သော လူ၊ တိရိစ္ဆာန် တို့ကို ရောဂါ ဖြစ်စေနိုင်ပါသည်။
သစ်သီးဝလံနှင့် ဟင်းသီးဟင်းရွက် တို့သည် လည်း သက်ရှိ အပင်များ ဖြစ်ကြသဖြင့် စားသုံးကြသော လူနှင့် တိရိစ္ဆန် တို့ ကို ယာဉ် ရထား သဖွယ် သယ်ဆောင် ကူးစက် စေတတ်ပါသည်။
(Cysts ဆစ်စစ်) ဟုခေါ်ဆိုသော ကပ်ပါးပိုး တို့၏ ငုတ်လျှိုး နေချိန်အဆင့် တွင် သာ ရှိနေမည် ဆိုပါက မြေ ထဲတွင် ရှိနေစေကာမူ ၇-နှစ် အထိ ၊ ဆက်လက် ရှင်သန်နိုင်စွမ်း၊ ကူးစက်နိုင်စွမ်း ရှိပေသည်။ ဥပမာ- Giardia
လူ၊တိရိစ္ဆာန် တို့ ၏ မစင်ကျင်ကြီးများ ဖြင့် ညစ်ညမ်းနေသော ရေ ဖြင့် ဟင်းသီးဟင်းရွက် ၊သစ်သီးဝလံ တို့ကိုဆေးကြော မိခြင်းကြောင့် သယ်ဆောင် ထုပ်ပိုးသူများ၊ လယ်ယာသုံး တိရိစ္ဆာန်များ၊ ကို ကပ်ပါးပိုးများဝင်ရောက်ရောဂါရစေပါသည်။
သစ်သီးဝလံ နှင့် ဟင်းသီးဟင်းရွက် တို့ မှ တဆင့်အများဆုံး ကူးစက် စေတတ်သော ကပ်ပါးပိုး များမှာ..
Cryptosporidium
Cyclospora
Giardia တို့ဖြစ်ကြပါသည်။
ဗိုင်းရပ်စ် ပိုးများ Viruses
ဗိုင်းရပ်စ် ပိုးများ သည် ရှင်သန်နေသော သက်ရှိ ဆဲလ် များ ၏ ပြင်ပတွင် ရှင်သန် ပေါက်ပွားနိုင်စွမ်းမရှိ သဖြင့် သစ်သီးဝလံ နှင့် ဟင်းသီးဟင်းရွက် တို့ တွင် မပေါက်ပွားနိုင်ပါ။
သို့သော်လည်း ချက်ချင်းစားသုံးကြ မည် ဆိုပါက ယာဉ်ရထားသဖွယ် ကူးစက်စေနိုင်ကြ ပြီးရောဂါများ ဖြစ်ပွားစေနိုင်ပါသည်။
ထိုသို့ကူးစက် စေနိုင်သော ဗိုင်းရပ်စ်များ မှာ..။
Hepatitis A virus ( အသည်းရောင်အသားဝါ အေ ဗိုင်းရပ်စ်)
Norwalk virus and Norwalk-like virus တို့ဖြစ်ပါသည်။
Sources of biological contamination
ကူးစက်ရောဂါဖြစ်စေတတ်သော အဏုဇီဝပိုး များတွေ့ရှိ ပေါက်ပွားရာနေရာဒေသများ
၁။ မြေကြီး
၂။ မသန့်ရှင်းသော ရေ
၃။ တိရိစ္ဆာန် တို့၏ အညစ်အကြေးများ
၎။ မသန့်ရှင်းသော ရေဆိုးရေညစ်များ
၅။ ရောဂါဖြစ်နေသော လူ များ ၊တိရိစ္ဆာန်များ
၆။ လေ မှသယ် ဆောင်လာသော ဖုန်မှုန့်များ တို့ ဖြစ်ကြပါသည်။
ရောဂါဖြစ်စေသော အဏုဇီဝ ပိုးများ ကပ်ညိကာ ကူးစက် စေတတ်သော အကြောင်းရင်း အလေ့အထများ
၁။ တိရိစ္ဆာန် နှင့် လူတို့၏ အညစ်အကြေး များ စီးဆင်းမျောပါနေသော ရေကို စိုက်ခင်း တွင် အသုံးပြုခြင်၊ ပိုးသတ်ဆေး ဖျော်ခြင်း၊ ခူးဆွတ် ရိတ်သိမ်း ရာ တွင် ထည့်သည့် ပစ္စည်း များကို ဆေးကြောခြင်း၊ ရေခြဲပုလုပ်၍ သစ်သီးဟင်းသီးဟင်းရွက် များအပေါ်တွင် ရေခဲရိုက်ခြင်း၊ အအေးပေးသော စနစ် တွင် အသုံးပြုခြင်း၊ သစ်သီးဝလံ ဟင်းသီးဟင်းရွက် တို့ကို ဆေးကြောခြင်း။
၂။ သစ်သီးဝလံနှင့် ဟင်းသီးဟင်းရွက် တို့ ခူးဆွတ် ပြီးသောအခါ တိရိစ္ဆာန် နှင့် လူတို့၏ အညစ်အကြေးများ စီးဆင်းမျောပါနေသော မြေ တွင် ပုံချခြင်း။
၃။ တိရိစ္ဆာန် နှင့် လူတို့၏ အညစ်အကြေး များ ထိစပ် နေသော လယ်ယာသုံးကိရိယာ၊ ထည့်စရာပစ္စည်းများ၊ ထုပ်ပိုးပစ္စည်းများ၊ သယ်ဆောင်သည့် တွန်းလှည်း၊ ထွန်စက်နောက်တွဲ ယာဉ်များ ကို အသုံးပြုမိသဖြင့်ကူးစက်ခြင်း။
၎။ ခူးဆွတ်ရာ တွင် အသုံးပြုသော ဓါးများ ၊ သစ်သားခြင်းများ ၊ အရွယ် အစားခွဲခြားသော ကိရိယာများ၊ ထုပ်ပိုးကိရိယားများကို သေချာစွာမဆေးကြောခြင်း။ သန့်စင် ထားမှုမရှိခြင်း၊ မသန့်ရှင်သော မြေ၊ ရေ တို့ နှင့် တိုက်ရိုက် ထိတွေ့ နေခြင်း။
၅။ သေချာ ပြုပြင်ထားခြင်း မရှိသည့် တိရိစ္ဆာန်ချေးများ၊ ကို စိုက်ခင်းတွင် တိုက်ရိုက် ထည့်သွင်းအသုံးပြု သောကြောင့် သစ်သီးဝလံ ဟင်းသီးဟင်းရွက်တို့ကို ထိတွေ့ ရောဂါ ရစေခြင်း။
၆။ ကူးစက် ရောဂါ ဖြစ်နေသော အလုပ်သမားတို့ကို ခိုင်းစေခြင်း၊ အိမ်သာ သွားပြီး လက်သေချာ မဆေးကြောခြင်း ၊ ညစ်ပတ်သော အိမ်သာ နှင့် ဆေးကြောသန့်စင် ရာ တွင် အသုံးပြုသည့် ပစ္စည်းများ ပံ့ပိုး တပ်ဆင် ထားမှုမရှိခြင်း။
၇။ တစ်ကိုယ်ရည် သန့်ရှင်းမှုမရှိသော အလုပ်သမားများ ကို ခိုင်းစေခြင်း၊ အသည်းရောင်အသားဝါ အေ ပိုး ဖြစ်ပွားနေသော အလုပ်သမားများကို စိုက်ခင်းများ၊ ခူးဆွတ် ထုပ်ပိုး၊ သယ်ဆောင် ရာ တွင် လည်းကောင်း၊ ခိုင်းစေ ခြင်း တို့ကြောင့် ရောဂါဖြစ်စေသော အဏုဇီဝ ပိုးများကပ်ညိကာ ကူးစက် စေတတ်သော အကြောင်းရင်း အလေ့အထများ ဖြစ် ပါသည်။
မှို Fungus
ASEAN-FOOD SAFETY Module တွင်ထည့်သွင်း ဖေါ်ပြထားခြင်းမရှိသော အဏုဇီဝ ပိုး တစ်မျိုးမှာ မှို ဖြစ်ပါသည်။
အပင်ရောဂါ ဖြစ်စေသော သက်ရှိအများစုမှာ မှိုများ ဖြစ်ကြပါသည်။ အပင်ကို ရောဂါဖြစ်စေသော မှို မှ လူကို အန္တရာယ် ဖြစ်စေသော မှို မှာ အားဂေါ့ မှို ဖြစ်ပါသည်။ အားဂေါ့ ဆိုသည်မှာ (Rye) ဟုခေါ်ဆိုသည့် ဝီစကီချက် လို့ရသည့်ကောက်နှံပင် တစ်မျိုး တွင် ဖြစ်ပွားသည် မှို ရောဂါ တစ်မျိုး ဖြစ်ပါသည်။
ရောဂါဖြစ်စေသည့်သက်ရှိမှာ Claviceps purpurea ဆိုသော မှို တစ်မျိုး ဖြစ်ပါသည်။(Rye) ရိုင်း သည်ယခင်က ဂျုံခင်းထဲတွင်ပေါက်ပွားတတ်သည့်ပေါင်းပင် တစ်မျိုး ဖြစ်ခဲ့ပါသည်။
ဥရောပ အရှေ့ပိုင်းနှင့် ရုရှ အနောက်ပိုင်း ဒေသများတွင် ၅ရာစုနှစ်လောက် အချိန်များ မှ စတင်ပြီး အားဂေါ့ မှိုရောဂါ သည် ကပ်ရောဂါ ဆိုးသဖွယ် လူများစွာကို သေစေခဲ့ပါသည်။ အားဂေါ့ရောဂါ ဖြစ်သည့်အခါ (Rye) ရိုင်းကောက်နှံများတွင် ကောက်နှံစေ့ တည်ရမည့်နေရာတွင် အဆံမတည် ပဲ Claviceps purpurea မှို သည် ပတ်ဝန်းကျင် ကို ခံနိုင်ရည် ရှိစေမည့် ပုံစံတစ်မျိုးကို ဖွဲ့စည်း ဖြစ်ပေါ်စေပါသည်။ ထို ပုံစံသည် မာကျော ကျစ်လစ်ပြီး ကြွက်ချေး သဏ္ဍန် ခရမ်းရောင် အဆံ သဖွယ် ကောက်နှံ တွင် သီးပါသည်။
ထိုကောက်နှံပါသော အဆံများကို ရိတ်သိမ်းမိပြီး ပေါင်မုန့်ကြမ်း များဖုတ်ကာ စားသုံးကြသူများ မှာ အဆိပ်သင့် ကြရပါသည်။ အသားတစ်သျှူးများ သေဆုံးခြင်း၊ လက်မောင်း၊ ခြေထောက် ၊ခြေဖျား လက်ဖျား များတွင် လောင်ကျွမ်းခြင်းဖြစ်ပေါ်ကာ ညိုမည်းလာခြင်း၊ လူနာမှာ ပြင်းထန်သော ခံစားချက်ကြောင့် လူးလှိမ့်ကာ သေဆုံးကြရပါသည်။ထိုအချိန်က ဘုရားသခင် က ပြစ်ဒဏ်ချမှတ်သည့် လောင်ကျွမ်းမှု ဝေဒနာ God’sFire ဟုခေါ်ဆိုကြပါသည်။
သက္ကရာဇ် ၁၀၃၉ တွင် ပြင်သစ် နိုင်ငံ တွင် ထိုသို့အဆိပ်သင့်မှုမျိုး အကြီးအကျယ် ဖြစ်ပွား သောကြောင့် လူနာများကို ဆေးကုသ ရန်အတွက် ဆေးရုံများပင်တည်ထောင်ပေးခဲ့ရပါသည်။ဆေးရုံတည်ထောင် ပေးခဲ့သူ Gastonde Valloire က သူတော်စင်St. Anthony ရဲ့ ကယ်ဆယ် မှု ဖြင့် သက်သာရာ ရပါစေကြောင်း ရည်ရွယ် လျက်အဆိပ်သင့်ရောဂါကို God’s Fireရောဂါ မှ St. Anthony’s Fire ဟုပင် ပြောင်းလဲ ခေါ်ဆိုကြပါသည်။
ဘုန်းတော်ကြီးများက ဆေးရုံပေါင်း၃၇၀ ဆောက်လုပ်ပေးရသည် အထိ လူနာများ များပြားခဲ့ပါသည်။ လူနာများသည်လည်း(Rye) ရိုင်း ဂျုံကြမ်းပေါင်မုန့် ကို စားသုံးကြရသည့် ဆင်းရဲသားလူနာများ ပင်ဖြစ်သည့် အပြင် အားဂေါ့မှို အဆိပ်ပါသည့် ပေါင်မုန့် စား၍ ရောဂါဖြစ်ရခြင်းကို မသိကြသည့်အလျောက် ဆက်လက် စားသုံးနေသည့်အတွက် ရောဂါသက်သာသူများပင် ထပ်ဖြစ်ကြ ရပါသည်။
ပြင်သစ်နိုင်ငံသည် ထို ဆိုးရွားသော ကပ်ရောဂါ ဖြစ်ပွား ရာ ဗဟိုဒေသ ဖြစ်ခဲ့ပြီး လူပေါင်း လေးသောင်းကျော် ထိ သေဆုံးခဲ့ရပါသည်။ ပြင်သစ် နိုင် ၏ (Rye) ရိုင်းဂျုံကြမ်းပန်းပွင့်ချိန် သည် အေးစက် စိုစွတ်ချိန်ဖြစ်သဖြင့် အားဂေါ့မှို သည် ပန်းပွင့်အတွင်းလွယ် ကူစွာပေါက်ပွား နိုင်ရပါသည်။
၁၆၇၀ ခုနှစ် တွင်မှသာ ပြင်သစ်လူမျိုး ဆရာဝန် French physician, Dr. Thuillier သည် အားဂေါ့မှို ပါဝင်သော ဂျုံကြမ်း ကို ကြိတ်ပြီးပြုလုပ်ထားသော ပေါင်မုန့် များကို စားသုံးခြင်းကြောင့် ဟု အတည်ပြုပြောဆို နိုင်ခဲ့ပါသည်။
ကင်ဆာ ဖြစ်စေသာ အဆိပ်အတောက် ကို ထုတ်ပေးသည့် မှိုများလည်းရှိ်ပါသည်။
စားသုံးသူများအတွက် အန္တရာယ် ကြီးမားစွာပေးနိုင်သော အပင်ရောဂါ မှို များ မှာAspergillus flavusနှင့်Aspergillus parasiticus, တို့ ဖြစ်ကြပါသည်။
Aflatoxins အက်ဖလာတောက်ဆင် ဟုခေါ်သော မှို အဆိပ်ကို ထုတ်ပေးတတ်သည့် မှို များဖြစ်သဖြင့် လည်း ဂရုစိုက် ရန်အရေးကြီးလှပါသည်။
ထို မှိုဆိပ် များမှာ ၁၄ မျိုးလောက် ပင် ရှိပါသည်။ Aflatoxins M1, M2 သည် Aspergillus parasiticusမှို ပါဝင်သော နွားစာကို စားသုံးမိသော နွား ၏ နွားနို့ တွင်ပင် ပါဝင်နိုင်ပါသည်။အမေရိကန် နိုင်ငံ ရှိ United States Food and Drug Administration (FDA) ကသတ်မှတ်ထားသည် မှာ လူတို့အတွက် အစားအစာနှင့် တိရိစ္ဆန် အစားအစာ တို့တွင် သန်းတစ်ထောင် ပုံ လျှင် ၂၀ နှင့် ၃၀၀ပုံ အတွင်းသာ ပါဝင်သင့်ကြောင်း သတ်မှတ်ထားပါသည်။ ထို့ထက် ပိုမို ပါဝင်ပါက ကျန်းမာရေး ထိခိုက်နိုင်ကြောင်း ထုတ်ပြန်ထားပါသဖြင့် ထိုမှိုများကို အထူး ဂရုစိုက် သင့်ပါသည်။
Risk အန္တရာယ် ဖြစ်စေသော အနေအထား
Hazards ဟူသော အဓိပါယ်မှာ အန္တရာယ် ဖြစ်စေသာ အရင်းအမြစ်၊ အဆိပ်အတောက် ဟု ဆိုလိုပါသည်။ သူ့ချည်းသက်သက် ရှိနေပါက အန္တရယ် မပေးသော်လည်း လူတို့ စားသုံးထိတွေ့ သည့် အနေအထားကို ရောက်ရှိလာ သောအခါ အန္တရာယ် ဖြစ်စေသော အနေအထား Risk သို့ရောက်ရှိလာ ပြီ ဖြစ်ပါသည်။
ဤသည် ကို နားလည် အောင်ပုံကလေးဖြင့်တင်ပြရမည် ဆိုလျင်...
ပင်လယ် ထဲတွင် ငါးမန်း များရှိနေချိန် သည်.... အန္တရာယ် ဖြစ်စေသော အနေအထား Risk သို့မရောက်ရှိသေးပါ။ပင်လယ် ထဲရှိ ငါးမန်းများ အလက် လူ တစ်ဦး ပြုတ်ကျ ခဲ့ပါသော် အန္တရာယ် ဖြစ်စေသော အနေအထား Risk ဖြစ်လာ ပြီ ဟု ဆိုရပါမည်။ ဂျီအေပီ တွင် ဤကဲ့သို့ အဆိပ်အတောက် များကို အသုံးပြုခြင်းဖြင့် အန္တရာယ် ဖြစ်စေ နိုင်သော အနေအထားကို မြင့်မား လာခြင်းမရှိစေရန် စီမံဆောင်ရွက် ရမည် ဖြစ်ပါသည်။
အဏုဇီဝ ပိုးများ၏Risk of biological contamination အန္တရာယ် ဖြစ်စေသော ကူးစက်နိုင်သည့် အနေအထား Riskသစ်သီးဝလံ နှင့်ဟင်းသီးဟင်းရွက် များအတွက် ရောဂါ ပိုးမွှားများ ကူစက်နိုင်သည့် အန္တရာယ် ဖြစ်စေနိုင်သော အနေအထား Risk မြင့်ခြင်း နိမ့်ခြင်းသည် အောက်ဖေါ်ပြပါ အချက်များပေါ် မူတည်ပါသည်။
၁။စိုက်ပျိုးသည့်နည်းလမ်း ဥပမာ- မြေနှင့် နီးကပ်စွာ ပေါက်ရာက် ရသော ဆလတ်ရွက်သည် မြေနှင့်ဝေးသော သရက် သီးထက် အန္တရာယ် ဖြစ်စေသော ကူးစက်နိုင်သည့် အနေအထား Risk မြင့်မား ပါသည်။
၂။ ရေ နှင့် အမြဲထိတွေ့ နေရသော ရေထဲ မှာ စိုက်ပျိုးသည့် သီးနှံများသည် အန္တရာယ် ဖြစ်စေသော ကူးစက်နိုင်သည့် အနေအထား Risk မြင့်မား ပါသည်။
၃။ချောမွေ့သော မျက်နှာပြင် ရှိသော သခွားသီး တို့ ကဲ့သို့ သီးနှံများထက် မျက်နှာပြင် ချောမွေ့ မညီညာသော ဆလတ် ရွက်တို့က ပို၍ အန္တရာယ် ဖြစ်စေသော ကူးစက်နိုင်သည့် အနေအထား Risk မြင့်မား ပါသည်။
၎။စားသုံးသည့် ပုံပေါ်မူတည် ၍ လည်း အန္တရာယ် ဖြစ်စေသော ကူးစက်နိုင်သည့် အနေအထား Risk မြင့်မား ပါသည်။
ဥပမာ- အစိမ်းအတိုင်း စားသည့် သီးနှံက ချက်ပြုတ်စားသည့် သီးနှံက အန္တရာယ် ဖြစ်စေသော အနေအထား Risk မြင့်မား ပါသည်။အခွံပါစားရသော အသီးက အခွံနွှာ စားရသော (ငှက်ပျောသီး) က ပို ၍ အန္တရာယ် ဖြစ်စေသော အနေအထား Risk မြင့်မား ပါသည်။
Physical hazards အန္တရာယ် ဖြစ်စေသော ရုပ်ဝတ္ထုပစ္စည်းများ
Physical Hazards
အန္တရာယ် ဖြစ်စေသော ရုပ်ဝတ္ထုပစ္စည်းများ ဆိုသည် မှာ ထိရှစေသော ၊ဒဏ်ရာ ရစေသာ ၊စားသုံးသူကို အနှောင့်အယှက် ဖြစ်စေသာ ပြင်ပ ရုပ်ဝတ္ထု ပစ္စည်းများ ပါဝင်နေခြင်းကို ဆိုလိုပါသည်။
အန္တရာယ် ဖြစ်စေသော ရုပ်ဝတ္ထုပစ္စည်းများ သီးနှံများအတွင်း ပါဝင် နိုင်သည့်အကြောင်း ရင်းများ
မြေမှုန်များ ၊ ကျောက်တုံးများ ၊ သစ်ခက်များ၊ပေါင်းစေ့များ ပါဝင်ရခြင်း မှာ စိုစွတ်သောရာသီတွင် ရိတ်သိမ်းမိခြင်း ကြောင့်ဖြစ်ပါသည်။
ညစ်ပေသော ပစ္စည်းများ၊ ကိရိယာများ ထုပ်ပိုးပစ္စည်းများကို အသုံး ပြုခြင်း၊ ညစ်ပေသော ပစ္စည်း များကို သီးနှံ ထွက်ကုန် အပုံ ၏ အပေါ်တွင်တင်ထားခြင်း ကြောင့်လည်း ရုပ်ဝတ္ထု ပစ္စည်း များဖြစ်သည့်ဖန်ကွဲစ၊ သစ်သားစ၊ ပလတ်စတစ် စ ၊သဘောင်္ဆေး အစအန အန္တရာယ် ဖြစ်စေသော ရုပ်ဝတ္ထုပစ္စည်းများ ရောနှော ပါဝင်နိုင်ပါသည်။
ကွဲရှနေသော မီးလုံးမျာ ကို ထုပ်ပိုးသည့် ကိရိယာ များ ဖုံးကာ မထားသည့် သီးနှံ ပုံပေါ်တွင်ရှိနေခြင်းကြောင့် ပြင်ပ မှာအန္တရာယ် ဖြစ်စေနိုင်သော ရုပ်ဝတ္ထု ပစ္စည်း များဖြစ်သည့်ဖန်ကွဲစ၊ သစ်သားစ၊ ပလတ်စတစ် စ ၊သဘောင်္ဆေး အစအန များ ပါဝင်တတ်ပါသည်။
ထို့အပြင် ကျိုးပဲ့နေသော ရိတ်သိမ်းကိရိယာများကို အသုံးပြုခြင်း ၊ ထုပ်ပိုးပစ္စည်းများကို သုံးခြင်း၊လယ် ယာသုံးကိရိယာများကို သေချာစွာမဆေးကြောခြင်း၊ ပြင်ဆင်ထိန်းသိမ်းမှုမရှိခြင်း၊ ကြောင့်လည်း များဖြစ်သည့်ဖန်ကွဲစ၊ သစ်သားစ၊ ပလတ်စတစ် စ ၊သံတို သံစ ၊သဘောင်္ဆေး အစအန များ ပါဝင်တတ်ပါသည်။
ကောင်းစွာလေ့ကျင့်ထားခြင်းမရှိသည့် ခြံလုပ်သား များ၊ လုံခြုံသေသပ်စွာ ဝတ်ဆင်မထား သည့် ခြံ အလုပ်သမားများကြောင့် လက်ဝတ်ရတနာများ၊ ဆံညှပ်ကလစ်များ ၊လူ့အသုံးအဆောင်များ ရောနှော ပါဝင်ရခြင်း ဖြစ်ပါသည်။
GAP requirements
ဘေး အန္တရာယ် လုံခြုံစိတ်ချ မှု ရှိစေရန်အတွက် ကျင့်သုံးသင့်သည့်စိုက်ပျိုးရေးအလေ့အထကောင်းများ ပြုလုပ်ရန်လိုအပ်ချက်များ
ဘေး အန္တရာယ် လုံခြုံစိတ်ချ မှု ရှိစေရန်အတွက် ကျင့်သုံးသင့်သည့် စိုက်ပျိုးရေး အလေ့အထ ကောင်းများ ကို အပိုင်း ၁၀ ပိုင်းခွဲခြား ထားပါသည်။
အခန်းတစ်ခု စီတွင် နောက်ခံ အကြောင်းအရာများ နှင့်တကွ မသန့်ရှင်းသော အန္တရာယ် ဖြစ်စေသော အရာများ မည်သို့ဝင်ရောက်လာတတ်သည်ကိုလည်း ဖေါ်ပြထားပါသည်။
တိကျသော အကြောင်းအချက် တစ်ခု ဖြစ်ပေးရခြင်း နှင့်မဖြစ်အောင်မည်သို့ လုပ်ဆောင်သင့်သည်ကို ရှင်းလင်းစွာ ဖေါ်ပြထားပါသည်။
တစ်ချို့သောကိစ္စများတွင် ကျင့်သုံးသင့်သည့် အလေ့အထ များကို တူရာစုလျက် လမ်းညွှန်ထားပါသည်။
၁။ မြေယာသမိုင်းကြောင်း နှင့်စီမံခန့်ခွဲမှု
သစ်သီးဝလံနှင့် ဟင်းသီးဟင်းရွက်များကို စိုက်ပျိုးရာတွင် သင့်တော်သော မြေယာ ရွေးချယ် မှုသည် အရေး ကြီးသော အချက်အဖြစ် စဉ်းစားသင့်ပါသည်။စိုက်ပျိုးသည့်မြေတွင် ဇီဝ နှင့် ဓာတု ဆိုင်ရာ အသုံးပြု ရှိမရှိ သမိုင်းကြောင်းကိုပထမဆုံး စုံစမ်းစစ်ဆေးရပါမည်။ မြေဆီလွှာသည် ရောဂါဖြစ်စေသော အဏုဇီဝပိုးများ၊ စွဲမြဲ၍ ပျောက်ပျက်မလွယ်သော ဓာတု ပစ္စည်းများ၊ လေးလံသော သိပ်သည်းဆ မြင့်မားသော သတ္တုများပါဝင်နေတတ်ပါသည်။
Biological contamination of the site can occur from pathogenic microorganisms present in the soil such as စိုက်ပျိုးမြေ တွင် ရှိနေတတ်သော ရောဂါပိုးများ မှာ
Listeria monocytogenes , Clostridium perfringens, Bacillus cereus, parasite cysts (Giardia, Cyclospora and Cryptosporidium) နှင့် ဗိုင်းရပ်များ တို့ ဖြစ်ကြပါသည်။
တချို့သော ရောဂါပိုး များသည် နှစ်ပေါင်းများစွာ အသက်ရှင်သန်နေနိုင်ကြပြီး တစ်ချို့သော ပိုးများမှာ စိုစွတ်သော ရာသီကိုကြိုက်နှစ်သက်ပြီး .တစ်ချို့က ခြောက်သွေ့သော အခြေအနေ မှာ ရှင်သန်နိုင်ကြပါသည်။
ထို ရောဂါပိုးမွှားများ၏ ရှင်သန်မှုသည် အော်ဂဲနစ် မြေဆွေးများ ၏အကာ အကွယ်ပေးမှုကြောင့်ပိုမို တိုးပွားနိုင်ပါသည်။
ဓာတုပစ္စည်းများ ပါဝင်နေခြင်းမှာ ထိုမြေတွင် ယခင်က စက်မှုလုပ်ငန်းတွင် အသုံးပြုခဲ့ခြင်း၊ သတ္တုတွင်းဟောင်း နေရာ ၊ စစ်အတွင်း က ဓာတုပစ္စည်း များ အသုံးပြုခဲ့သော နေရာဖြစ်နေခြင်း၊ ယခင် စိုက်ပျိုးသူများ က ဓာတု မြေသြဇာ များအလွန် အကျွံ သုံးစွဲ ခြင်းကြောင့် ဖြစ်ရပါသည်။ ထို ဓာတု ပစ္စည်းများသည် စိုက်ပျိုးသီးနှံများ မှတဆင့် စားသုံးသူ ထံကူးဆက် ရောဂါ ရစေပါသည်။
ပြည်ပ သို့တင်ပို့မည် ဆိုလျင် ထိုသို့ ရောနှောပါဝင်မှုများကို စစ်ဆေးတွေ့ရှိပါက ဈေးကွက် ပျက်တတ်ပါသည်။
ထိုသို့ ဖြစ်နိုင်ခြေ များသောမြေကို စိုက်ပျိုးရမည်ဆိုပါက မြေဆီလွှာ ဓာတ်ခွဲ စမ်းသပ်မှုကို မဖြစ်မနေလုပ်ဆောင်ရပါမည်။
ထိုသို့ မြေ မှ တဆင့် ကူးစက်နိုင်သော အန္တရာယ် ရှိမှုအနေအထားသည် ဥစား သီးနှံ ၊ အမြစ်စားသီးနှံ များ၊ မြေနှင့်ထိကပ်စိုက်ပျိုး ရသော သီး နှံများတွင် မြေမှုန်များထိကပ်ရသောကြောင့် အခြားသော သီးနှံများထက်ပိုမို မြင့်မားပါသည်။
မြေ နှင့်တိုက်ရိုက် ထိတွေပမှုမရှိသည့် အပိုင်းကို စားသုံး ရသည့်သီးနှံများတွင် မြေ မှ စုတ်ယူမှုကြောင့် ပါဝင်သော ဓာတုပစ္စည်းအန္တရာယ် ရှိနိုင်ပါသည်။ ခူးဆွတ်စဉ် ၊ လေတိုက်စဉ် ကြွေ ကျသော သီးနှံများ ကို ပယ် သီးအဖြစ်သတ်မှတ်ရပါမည်။
Heavy metals လေးလံသော သတ္တု များ ဆိုသည်မှာ ရေထက် သိပ်သည်းဆ ၅ ဆ နှင့်အထက်လေးသော သတ္တုများ ကို ဆိုလိုပါသည်။ ဥပမာ - အာစင်းနစ်၊ ခရိုမီယမ်၊ကက်ဒမီယမ်၊ ခဲ နှင့်ပြဒါးတို့ ဖြစ်ပါသည်။
Heavy metals လေးလံသော သတ္တု များ သည် သဘာဝ အလျောက် မြေ တွင်တွေ့ ရတတ်ပြီး မီးစုံးဓာတ် ပါသောမြေသြဇာများ၊ သုံးစွဲ သည့်အခါ ထို�
